10 Feb Алтны үнэ өсөж дээд түвшинд хүрсэн ч өсөлтийнх нь эрч саарав
Мягмар гарагийн арилжаагаар алтны ханш шинэ дээд түвшинд хүрч өслөө. Одоогоор үнэ нь бага зэрэг тогтворжоод байна.
АНУ бодлогын хүүгээ бууруулах хүлээлт, геополитикийн зөрчил болон хувьцаануудын үнэд коррекц хөдөлгөөн гарах магадлал зэрэг хүчин зүйлстэй холбоотойгоор ийнхүү алтны үнэ сүүлийн таван өдөр дараалан эрчимтэй өсөж байна.
Алтны үнэ унц нь 2141 ам.доллар болсон нь өнгөрсөн оны 12 дугаар сард хүрээд байсан дээд түвшнээ давсан үзүүлэлт боллоо. Сүүлийн таван арилжааны өдөр алтны үнэ таван хувиар өсөөд байгаа юм.
Хамгийн аюулгүй хөрөнгө оруулалтын нэгд тооцогддог алтны эрэлт нэмэгдсэн нь үнэ өсөхөд голлон нөлөөлж байгаа аж.
Sorry, the comment form is closed at this time.